كيلو جاتوووه

من حوالي اسبوع كدا

قبل امتحان الmath

قلت اروق اعصابي

و اخرج اتمشى بره ف عباس العقاد مع بنت خالتي السوسة ام 10 سنين

المهم

عديت على الاكاديمية علشان ادي حاجة لرئيس القسم هناك

و فوووم على عباس ياسطى

"<جنينة مول"

وصلنا الحمد لله

حضرتي ربنا يسهلها

كانت لابسة بووت

ف عملين نتمشى نتمشى

و انا رجليا ورمت

يخرب بيت ابو البووت ع اللي اخترع البوووت

و البنت ماشية و اا ساندة عليها لغاية ما ظهرها اتقطم

حررااام صعبت عليا

قلت نقعد ف حته

و ناكل فيها الشيبسي العائلي اللي جبنا من السوبرماركت و احنا رايحين

طبعا ما ينفعش نقعد بره لأننا لازم نشتري

و الاسعار بتتضرب ف 10 جنيه على طول

و العبد لله ف اخرىالشهر

يعني brook

المهم

قعدنا جوه

ف بنت خالتي بتقوللي..

- ايه ده منيو..!!

- منيو مين؟!.. :| هيا ما بتخلصش.. ف كل حته

- قعدت تقلب و فجأة

- هأأأأأأأأ :o

"شهقة غادرة انطلقت من بين شفتيها"

- ناوليني البتاع ده :@

5 ثواني و

-هأأأأأأأأأ :o

نفش الشهقة الغادرة من بين شفتاي

- اي ده

ساندوتش الجبنة البيضة ب 8 جنيه :s

- بصي يا بوسي " مع العلم ان بوسي النيك نايم بتاعي ف العايلة معرفش ايه الي جابه لنهال بس اهو يمشي حاله: "

احنا ناخد بعضنا و لا كاننا كنا هنا قبل ما تطب علينا

طبعا انا اخدتني كرامتي

- يعني ايه يعني شايفاني محرومة لا يا ستي انا ه اعزمك يعني ه اعزمك

"قعدت اقلب يمكن الاقي كيس شتوس ب 75 قرش و اللا حاجة

بس كله الظاهر اسعار سياحية :s

ه اعمل ايه دلوقتي منظري ه يبقى زفت

خطفت مني المنيو بصي في حاجة ب 4 جنيه

"حمد لله .. الرحمة الالهية :D .. ايه وريني ايه هيا "

- يا نهار اشطة بالزلابية :s تفتكري نجيبها..؟؟ :^)

- والله يا بنت خالتي العزيزة ما وراناش غير كدا :( تنهيدة حيرة..

- طيب بتعرفي تشربيها و اللا ه تفضحينا؟.. :

- احنا ممكن نجرب

"على اخر الزمن ه نجيب شيشة :s "

"او ممكن نجيب معسل هو صحيح اغلى ب جنيه واحد بس انا افضله بالتفاح :p "

- يخرب بيت الابلسة ل خلاص يللا بينا نقوم

لسه جايين نقوم

راحت الست اللي بتجيب الحاجة قفشتنا

طبعا كان ه يبقى منظرنا وحش

جايين نقعد من غير ما ناخد حاجة

ف اضطرينا

:'(

عملت نفسي بقلب تاني

و يللا امري الى الله

- عندكم جاتوه ..."" يللا ب7 جنيه اهو اخلص و خلاص 8-| ""

- ايوا . يا فندم

- طيب ..طازة يعني

- قالت لي ايوا

- قلتل ها خلاص خلليها شيكولاتةحتتين

راحت و اتسحبت على تسيباس

المهم جابته و خلصنا

و الحساب زايد 5 جنيه خدمة :s

يا صباح الفل

طبعا كان منظرنا جميل اوي انا وا لبنت الفلعوسة بنت خالتي

بنقلب ف جيوبنا بنطلع نكمل على بعش:

احلى المواقف معايا دايما

المهم سيبنا و اتكلنا على الله

و بصراحة عدينا على تسيباس

و انا مليون عفريت بيتنططو عليا

عاوزة اعرف بيتباع بكام

- ما تيجي يا بت يا جودي نشوف كيلو الجاتوه بكام

- ماشي يا بوسي يللا بينا

"كيلو جاتووه:s من امتى و الجاتوه بيتباع بالكيلو طيب مش تصححهالي البت العبيطة دي

لأ ابدا لازم تسيبني على غبائي و انا مافيش حاجة ف دماغي غير اني عاوزة اعرف ايه البهدلة اللي اتبهدلتها ده"

دخلنا

- لو سمحت كيلو الجاتوه بكام |-)

- الراجل :| كبلو جاتوه؟!!

- اه عاوزة اعرف كيلو الجاتوه بكام

- :) على حسب حضرتك "عمل نفسه فاهم و افتكرني بتكلم على الجاتوه السواريه و شاور عليه"

- طيب الشيكولاته و "بقول ف نفسي ايه العبيط ده انا عاوزة من الكبير" و شاورت له على العادي

- الراجل بقى كدا :D اه حضرتك عاوزة من العادي ... كيلو يا فندم؟!

- اه :mad: اخلص

- ب 45:

و فطسان على روحه منالضحك

انا قلت ايه الرجل العبيط ده و خرجت

بعد ما خرجت

لاقيت بنت خالتي بتقوللي

- بوسي هو الجاتوه بيتباع بالكيلو؟.!! *-)

- يا نهااار ابيض :o

بقيت بلطم ف الشارع

و مروحالهم البيت بقول

كيلو جاتوووووووووه كيلووو جاتوووووووووووووه

اتاريه بيشتغلني

:$ :'(

...............

تحياتي

23-1-2007