مَرْسَى ، فَنَـــارة و مَرْكِب وَرق...

مَرْسَى ، فَنَـــارة و مَرْكِب وَرق... ♥
و شطّ ونْسان بعيون كتيرة مفرقة
أطفال بتجري و البسمة دايرة متفرقة
و إيدين كتيرة صغيرين
لسه محملتشي معنى القَلَقْ...

و سماء جميلة مِدَهَبَة.. ♥♥
بشمس ساطعة
ترمي ضَيّــها
ع الوشوش زيّها
عيونهم لسه مغمضين
مفيش ضلام
عشان جوّاها منورة ♥
و مركب ورق...
ماشية في الموج متعودة
تشيل أحلام قلب اتسرق
شايلة هموم متكسرة
لا في يوم هزتها ريح و لا همّها
تنادي يوم في الناس
الحقوا ...
من تُقْلها...
المركب غرق !!

***

و انا كدا...
حبيت في يوم أزيح حِمْلَك
لا تعبت في يوم منك
و لا اشتكتش
جريت بعيد عنك
نسيت نفسي...
حبيتني زي ما حبيتك انا ؟
و اللا ماحبيتش ؟
كانت ليه أحلامي في قربك مُورّدة ؟! ♥
طب و العمل ؟!
لما سلّمْنا للفراق
قلبك هِدَأ ؟
و قلبي أنا ؟
مالهوش مركب تشيله
تبعده
يسلم قوام نفسه
ف لحظة ضعف
ميستسلمش ؟
منالش منك..
غير كلمتين...
عَدِّيــها بقى
قوام قوام
بلاش كدا
ما هو الخلل
مش مننا
مش مكتوب لنا
في الحب خير
قلبك فدى
بالنور ضلامي
متعيطيش !


♥ ♥ ♥

ليه و مين ؟
هو مكنش
يا قلبي ليا
عندك غير يا دوب
الكلمتين
عامة ً
متشكرة
و انا كدا...

معدتش هجري وراك على كل باب
قلبي معاك
سلمتله كاس الهنا
ببراءة شرب شربته
وقع... من سمه اتحرق !
قلبي مركب من ورق...
ساب الموج و طلع جِرى
وياه السحاب
شِدّ الشراع...
ارفع المرساة
و طير
معدش ليك
هنا هو صديق
ما هو معدش قلبك
له مصداقية في كلمته
و لا عدش في يوم تاني
يعوز يقول انه صَدَق...
هيطير بعيد بأحلامه
من ميناءه ف دنيته
و يرجع في منامه
يستغيث
كله كان أوهام
حتى حنيته
و مرسى الحب بعيد
و لا يوم يرجع يحن
لكذبته...
و يشيل وياه هموم المحتارين
زيه
في وكسته !
و أهو كله بيكبر
و قلبي كمان كِبِر لما اتخرق
و بكره يصلح غلطته...
يا مين فيكي يا دنيا
يفديني
بقلب تاني جديد
ميحسيسوش بحسرته !
ابعد عن قلبي
و لاتجيش في يوم
تسأله
ايه اللي جرا
قلبي رفضك
فضّ سيرتك
و انتهى...
اهمد بقى !

ن. هشام ♥♥