ارتيكاريا طبية !

عزيزي القاريء.. فضلا قبل ان تتفضل و تقرأ تلك الكلمات ارجو منك ان تحاول ان تلقي نظرة سريعة على "ايموشنز " الماسنجر .. لأنني أأسف ان اخبرك انه من دون ان تكون ملما بايموشينات المسنجر فأنك " م الاخر مش هتفهم احنا بنعمل ايه !!"
ملحوظة: اي ايموشن هيبقى بين قوسين []
-------------------------------------------------------------------
# نهاااااااااااااااااااااااااااااااااااااااااااااااال... هو المعرض هيبدا امتى؟
- 21 [:|] .. وطي صوتك شوية بس
# ياااااااه بدرى اوى
دانا على كده لازم اروحوا مرتين بقى
طب هيخلص امتى؟
- على 5-2 كدا
#وعلى كده مش هتروحى الندوة اللى فيها احمد خالد توفيق ونبيل فاروق يوم 4/2
- للأسف مش هالحقها [:(] هارجع من السفر يوم 6 [اهئ اهئ اهئ]
# هترجعي؟ ليه .. انت مسافرة فين و امتى ؟
- السعودية .. يوم 28 [:@] رايحة لماما
# انا اخويا بيشتغل هناك.. صيدلي
انت باباكي شغال ايه صحيح ؟
- دكتور نساء و ولادة .. و ماما كمان !
# دكاترة ! امال انتي ايه اللي رماكي على هندسة !!
- عشان بكره الدكاترة [:@] بيجيبولي ارتيكاريا !

# طب و عايشة ازاي وسط حصار الاطباء ده ؟ [^o)]

- كالاميلا [سبايكي] مسحوق الهرش !!

# ههههههههههههههه
لا بتعرفي تتصرفي فعلا !!

- اعمال ايه .. [سبايكى ] مجبر اخاك لا بطل !

خالتو بتقوللي يبقى اكيد هتتجوزي دكتور [:|] دايما بتفولوا عليا !!

# ههههههههههه .. تبقى ملعوبة دي !

هيبقى الكالاميلا ده اساسي !

- ههههههههههه
خليه يقرب مني بقى في الفرح !
هيقول عليا جربانه !!
[سبايكى ]اقوله من حبك يا حبيبي..

# حبيتك من كتر الهرش!!
لا حقيقى دى مشكلة
بمافكرتيش فعلا انك ممكن تتجوزى دكتور ؟ ^o)

- تصدق بإيه !! مرة كنت ف الشات بتاع روايات
و لقيت نفسي بهرش
و لقيت جمال حمزة لسه داخل
و انا معرفهوش شخصيا
فبقوللوا انت بتدرس ايه
قاللي طب !
قلت له و انا اللي عمالة اقول جتتي مش سايباني ليه !

# بتتكلمى جد [^o)]

- بلأ بهرج طبعا [سبايكى]
ببيجيبولي ارتكياريا معنوية بس [سبايكى]
بس شديدة برضه
ببقى مش على بعضي م الاخر [سبايكى] !

# و انا عارف طبعا [سبايكى ]

وده لاى نوع من الطب
ولا ممكن السنان يعدى الموضوع

- [:|] السنان دول اسوأهم !!

# يعني انا بنقى [:|]؟ و مالهم الاسنان ؟!!

- انا عضيت ايد دكتور السنان صاحبة ماما و انا ف ابتدائي !
كدابين كلهم !
حوارتجية
قالت لي هابص بص و لقيتها دخلت ايدها و شدت السنة !
بس كانت عليها حتة صويته [سبايكى]

# [:|] هي اللي صوتت !!
يعني انت تروحي لدكتورة سنان و هي اللي تصوت !

- ههههههههههه
عجايب يا بني ! [سبايكى] الواحد يخش الدنيا و يا ما يشوف

# ربنا يستر !!..
شكلك فعلا هتتجوزي دكتور !
و مش بعيد يكون دكتور سنان !