ساعات بحس ان الدنيا دي.. مالهاش اي لازمة. ان كل حاجة بعملها ناقصة.. لأني مش مركزة ف اي حاجة..
مش مركزة ف اي حاجة 100%.. كل حاجة بعملها بأقل مجهود.. مذاكرة.. دين.. حب.. حياة.. عايلة.. صداقة...
مشتتة..
كل حاجة بقت مشتتة..
ساعات كتير بتخيل النهاية.. هتبقى ازاي؟.. هابقى عجوزة؟.. و احفادي هيتلموا حواليا؟.. يا ترى هيحبوني؟.. و اللا مش هيبقى ليا اولاد؟.. و اللا هاموت زغيرة؟.. هاموت دلوقتي..
لو مت.. صحابي هيفتكروني؟.. و هابقى عاملة ازاي اليوم ده؟.. هم هيبقوا عاملين ازاي؟..
هيطنشوا و ينشغولوا بحاجات تانية و اللا هييجوا يشوفوني ف اخر يوم ليا؟..
مش عارفة ليه بفكر ف كدا؟..
كان لما بقرا القصص التراجيديا ببقى مهتمية ان البطلة تشوف النهاية.. تشوف ان كل اللي بتحبهم و حاسة انهم بعيد عنها هيتلموا حواليها تاني و هيقولولها ليه عملتي كدا يا عبيطة احنا بنحبك.. بس دلوقتي ماعدش يفرق..
النهاية..
هتبقى ليها معنى لو ماشفتش ايه اللي هيحصل بعد كدا؟
يمكن لأن حياتي ماعدش ليها معنى , فبقيت مهتمية بالنهاية.. لأنها هتبقى بداية المعاني كلها
يا ترى.. لو عورت نفسي كتير بالموس.. هيجرا ايه؟
انا اسفة والله.. ماكنتش اقصد..
انا اسفة ليكم كلكم :(
و قبل ده كله..
انا اسفة لنفسي
TO DIE.. WOULD BE AN AWFULLY BIg adventure
peter pan
المشاركات
1 التعليقات:
كل واحد فينا ربنا خلقه علشان يعمر الكون .. بس كل واحد وطريقته ..
في اللي بيكون رئيس دولة وميعملش حاجة تفيد
وفي اللي بيكون انسان ضعيف بس إرادته بتقهر المستحيل
الحياة هي كل المعاني للي يعيشها "كاملة" في كل جوانبها
عيشي حياتك
"إن كان لا يهم العالم أن تبكي أو تبتسم .. فمن الأفضل لك أن تبتسم"
sokrat
sokrat1987
إرسال تعليق