مش لاقية كلام اقوله المرة دي !كل ما افكر ف حاجة تتمسح قبل ما اروح للفكرة اللي بعدها
يمكن "طفح الكيل" و "حرام " مش مكفيين المرة دي
حاسة ان امنت و سلمت و جرجرني وراه جوا الغابة
غمض عنيا
و سابني اعد من واحد لمليـــــــــــــــــــــــــــــون
و مشي
فتحت عيني
لقيتني لوحدي
ف دنيا ضلمة
اماني راح
امانيا راحت !
معدش يهمني يعرف و اللا لأ
معدش يهمني اكلمه و اللا لأ
افهم ليه ؟ لأ !
لأول مرة عاوزة اني انسى بهدوء
بشويش
انسى الاختيار !
استسلم لكل حاجة جوايا
لكل حاجة كنت بزينها عشانه
للهدوء
للسماحة
للموافقة على كل حاجة!
بس
و استلقيت ف وسط الغابة المظلمة حيث لا يوج نفس يتنفس من شخص سواي
القيت ببصري الى السماء ثم اغمضت عيني
و فقط .. نسيت !
المشاركات
0 التعليقات:
إرسال تعليق