عن تهييس السكاشن"تاني مقطع"..

كنا ساعتها في (تاكسي) الساعة ال6 و النصف مساء في طريق العودة من الجامعه حين حصلنا على المسميات الرسمية لنا :D... اظن ان هذا الdialog هو تكملة السكشن السابق :p

#ملحوظة: "تنطق حبيبة اسمي (نهال) بالفرنسية (نيال).. يعني نيال =نهال على طول :D"
- شفتي يا بيبو الفايس بوك امبارح :D
- فايس بووك ايه بس.. ما انت عارفة اني عاوزة احط وندوز جديد ع اللابتووب البطيخ ده !! مش عارفة افتح النت خالص
-يابنتي اصل انا نقلت سكشن الfundmentals عليه :D
- اه ما هي مي قاالت لي :s و بعدين يا هانم لازم تفضحينا علني كدا !!.. دلوقتي انا اصحابي يقولوا ايه لما يشفوا الكلام ده !! كان لازم تكتبي حبيبة و مي و الكلام ده !!

-لأ هو كدا الكلام أوقع :p
-اوقع يا نيال !!.. انتي لسه بتدخلي عربي غريب ف وسط الكلام !!
- امال لو شفتي الnote دي كلها عربي ف النص :D
- خلاص كويس .. يبقى ماحدش هيقراها :D
لا يا حبيبتي قروها .. فاضل حضرتك :p
-طب ما كنتي تكتبي بين زعلط و كرمبة مثلا !!.. ليه قلتي حبيبة ؟!
-زعلط يا حبيبة :| !!
- اه.. انا واحدة صاحبتي في ثانوي كانت مسمياني (حبوزو لاوي بوزو ) !!
-يا نهار ابيض :|
-ممكن تسمي مي مثلا... (سحس بمبو)
- يا نهار ابيض :|
-مش فاضل غيرك يا نيال .. نسميكي ايه؟.. نسميكي ايه!!
- انا مرة واحدة صاحبتي ف ثانوي كانت بتقوللي.. "نهال العبيطة كل يوم تبيض.. بيضة على المخدة و بيضة على السرير" D:
بس حساه مش متناسق .. القافية فالته !!
-فالته ايه بس يا نيال.. لأ هو كدا القافية مزبوطة جدا.. و خصوصا جزئية بيضة على المخدة !! D: