فارس الأحلام..

- مش ناوية تعترفي بقى بالفارس الخفي اللي بيبعتلك مسجات من ورا ضهري؟

# ما قولتلك ما فيش

- كداااااااابة

# لا مش كدابة..

- طب عينك ف عنيا كدا!!

# خلاص خلاص.. اسمه محسن

-محسن!! .. زي دوك الmath .. اوعى يكون هو!!..

# لالالا.. محسن ده واحد ماتعرفهوش..

-الله.. اعترفي.. عرفتي منين و شوفتي فين..

#خلاص يا نهال.. انا مش ه اقدر اخبي اكتر من كده و ه اعترفلك

- ايه قولي.. امتى اخر مرة شوفتيه فيها

#انا بشوفه كل يوم.. شوفتوا امبارح بالليل..

-فعلا؟!.. فين؟..

# ف اوضتي..

- ف اوضتك!!

#جه لي ف الحلم و قاللي كفاية تحلمي بيا بقى و تشحطتيني معاكي عشان انا بقالي شهر مش عارف انام!!

- ده زي فسيخة كده ان شاء الله؟!..

# مين فسيخة ده ؟!

- ده فارس احلامي.. بشوفوا كل يوم عند الترعة.. و بيجيب لي ايس كريم بالسوداني..

#ده بجد ده و اللا بهزار.؟!..

- اسألي محسن!!